Digwyddiadau yng Nghymru yn ystod mis Ebrill

18 Ebrill 2026. Mae Gŵyl Bwyd a Diod Caerffili wedi bod yn ddigwyddiad blynyddol yng nghanol tref Caerffili ers nifer o flynyddoedd. Mae mynediad am ddim ac mae croeso i gŵn. 

14 Ebrill 2026. Mae Diwrnod Cenedlaethol Bara Lawr yn dathlu a chodi ymwybyddiaeth am y cynnyrch maeth anhygoel hwn. Mae dwsinau o fusnesau Cymru'n cefnogi Diwrnod Cenedlaethol Bara Lawr, gyda phopeth o brydau arbennig i gynigion arbennig, ynghyd â digwyddiadau.

Dewch i goginio rhai o'n ryseitiau blasus sy'n defnyddio bara lawr, gan gynnwys rysáit Rarebit Cymreig gyda bara lawr a chwrw neu beth am fwynhau brecwast Abertawe? 

19 Ebrill 2026. Dyma un o gyrsiau marathon mwyaf gwastad Ewrop. Am fwy o fanylion ewch i Marathon a 10K Casnewydd Cymru ABP.

30 Mawrth - 12 Ebrill, 2026. Gyda’r Pasg ar y gorwel a dwy ŵyl y banc beth am drefnu antur i’r teulu? Mae safleoedd yr Ymddiriedolaeth Genedlaethol a Cadw yn cynnig bob math o weithgareddau teuluol. 

21 Mawrth - 12 Ebrill 2026. Erddig Hall, Wrecsam - Ewch ar hyd llwybr y Pasg a chymerwch ran mewn gweithgareddau i’r teulu cyfan. Ar sail ysbrydoliaeth cardiau’r wyddor anifeiliaid yng nghasgliad y tŷ, dilynwch y map a chwblhewch bob un o’r 10 gorsaf weithgaredd cyn casglu eich ŵy.

03 - 06 Ebrill 2026. Mae’r Big Food Festival Abertawe yn dod â dathliad stryd bywiog pedwar diwrnod i Abertawe. Gall ymwelwyr fwynhau dros 20 o fasnachwyr bwyd stryd a ddewiswyd yn ofalus, gan sicrhau nad oes dau gwcîn yr un fath. O flasau byd-eang i bwdinau moethus, mae’r ŵyl yn cynnig rhywbeth at ddant pawb.

06 Ebrill 2026. Diwrnod o hwyl i'r teulu Gŵyl y Banc yn Parc Gwledig Margam. Cynnwys Peppa Pig & George, Hey Duggee, Peter Rabbit ac mwy..  

25 - 26 Ebrill 2026. Yn dathlu ei 20fed blwyddyn fel un o brif ŵyliau gwlân a ffibrau naturiol y DU, mae Wonderwool Wales wedi’i chynnal ar draws sawl neuadd arddangos fawr, mae’r digwyddiad yn dod ag ynghyd gannoedd o arddangoswyr sy’n arbenigo mewn edafedd, ffliws, troelli, gwehyddu, gwau a chelfi tecstilau. Gall ymwelwyr bori drwy edafedd wedi’u lliwio â llaw, gwlân crai, cyflenwadau ffeltio, gweithiau, olwynion troelli a phob math o offer a chyfarpar crefft.

10 - 12 Ebrill 2026. Beth am ymuno ag un o'r teithiau tywys sydd ar gael yn ystod Gŵyl Gerdded Cas-gwent a chrwydro ardal brydferth Dyffryn Gwy Isaf a thu hwnt?

Wrth i dymor y gwyliau cerddoriaeth agosáu mae digonedd o gyfleoedd i gael blas ar gerddoriaeth Cymraeg ar hyd a lled y wlad. Mae map rhyngweithio Awni? yn darparu’r wybodaeth ddiweddaraf am y gigs Cymraeg yn eich ardal chi. 

25 Ebrill, 2026. Un o ddyddiadau pwysicaf calendr Aberteifi yw Dydd Sadwrn Barlys. Credir fod traddodiad Dydd Sadwrn Barlys wedi cychwyn yn 1871, a chaiff ei gynnal ar benwythnos olaf Ebrill bob blwyddyn. 

Mae trigolion lleol ac ymwelwyr yn parhau i heidio draw yn flynyddol i weld pob math o geffylau a merlod yn gorymdeithio - o geffylau gwedd i Shetland, a Chobiau, wrth gwrs. Mae tractorau a pheirannau o bob math yn llenwi’r strydoedd a lliw hefyd - dathliad o fywyd cefn gwlad Cymreig ar ei orau. 

Darllen mwy: Aberteifi - y dref harbwr hanesyddol

Ewch i un o Amgueddfeydd Cenedlaethol Cymru. Mae mynediad am ddim i'r saith safle ac mae digon o bethau i'w gweld ar gyfer pob oedran, beth bynnag yw'r tywydd.