Mae gan De Cymru amrywiaeth helaeth o atyniadau a gweithgareddau hygyrch i rai sydd ag anhawster symud ac i ddefnyddwyr cadeiriau olwyn. Mae cymaint i’w wneud a’i weld yn yr ardal, gan gynnwys safleoedd hanesyddol difyr sy’n mynd â chi’n ôl i gyfnod y Rhufeiniaid, caeau gwyrdd hyfryd sy’n orlawn o fywyd gwyllt, a thraethau hardd sy’n hawdd i bob math o ymwelwyr gyrraedd atynt. Daliwch ati i ddarllen i wybod rhagor a dilynwch y dolenni isod er mwyn cael gwybodaeth am weithgareddau hygyrch mewn rhannau eraill o Gymru.
Atyniadau hygyrch yng Ngogledd Cymru
Amgueddfeydd ac orielau hygyrch
Amgueddfa Genedlaethol y Lleng Rufeinig
Stryd Fawr, Caerllion, Casnewydd NP18 1AH
- Hwylus i bobl mewn cadair olwyn a phobl sy’n cael anhawster symud
- Casglu ymwelwyr sydd â nam ar eu golwg drwy wneud cais
- Deunyddiau ysgrifenedig safonol i bobl sy’n drwm eu clyw
- Croeso i gŵn cymorth
Cymru oedd canolfan fwyaf gorllewinol yr Ymerodraeth Rufeinig. Yn OC 75, adeiladodd y Rhufeiniaid gaer yng Nghaerllion a fyddai’n gwarchod yr ardal am fwy na 200 mlynedd. Mae Amgueddfa Genedlaethol y Lleng Rufeinig yn un o dri safle Rhufeinig yng Nghaerllion ac ar y wefan mae Canllawiau Mynediad cynhwysfawr, gyda gwybodaeth am barcio a mynedfa i gadeiriau olwyn, yn ogystal ag arweiniad i bobl â nam ar eu golwg neu sy’n drwm eu clyw, a phobl ag anawsterau dysgu.
Amgueddfa ac Oriel Gelf Castell Cyfarthfa
Parc Cyfarthfa, Ffordd Aberhonddu, Merthyr Tudful CF47 8RE
- Mynediad cadair olwyn i bob oriel, siop yr amgueddfa a’r ystafelloedd te
- Parcio hwylus am ddim i bobl â Bathodyn Glas
- Toiledau hwylus wrth y dderbynfa
- Deunydd ysgrifenedig safonol am yr arddangosfeydd i bobl trwm eu clyw
- Croeso i gŵn cymorth
Plasty crand o’r 19eg ganrif a adeiladwyd ar gyfer y perchennog gwaith haearn cyfoethog William Crawshay yw Amgueddfa ac Oriel Gelf Castell Cyfarthfa, sydd heddiw’n adrodd stori’r chwyldro diwydiannol yn yr ardal. Mae’r fynedfa i ddefnyddwyr cadair olwyn drwy’r cwrt canolog; gellir gofyn am gymorth drwy’r peiriant ‘intercom’. Os oes gennych Fathodyn Glas gallwch barcio o fewn y cwrt blaen neu o flaen yr adeilad.
![Adeilad ar ffurf castell gyda thyrau a llawer o ffenestri.](/sites/visit/files/styles/o_articleimagegroup__portrait__3_1x/public/media-library/2022-01/L1370943.jpeg?h=ba30b6fa&itok=NzrBzepc)
![Dyn mewn cadair olwyn yn defnyddio ramp i gael mynediad i adeilad.](/sites/visit/files/styles/o_articleimagegroup__portrait__3_1x/public/media-library/2022-01/L1380045.jpeg?h=06f6671c&itok=RC--K4I3)
![Gwraig yn edrych ar arddangosfa ddigidol.](/sites/visit/files/styles/o_articleimagegroup__portrait__3__4_3_1x/public/media-library/2022-01/L1380108.jpeg?h=06f6671c&itok=JJEbkXu-)
Taith natur i ddefnyddwyr cadair olwyn yn Ne Cymru
Taith Cas-gwent gyda Mynediad Rhwydd
Maes parcio Castle Dell, Stryd y Bont, Cas-gwent NP16 5GA
- Taith gerdded rwydd ar lwybrau a phalmentydd
Cas-gwent yw man cychwyn Taith Gerdded Dyffryn Gwy, sef llwybr hardd 136 milltir o hyd sy’n dilyn afon Gwy ar draws De a Chanolbarth Cymru. Mae’r daith drwy Castle Dell yng Nghas-gwent, y dref a glan yr afon, yn un o 24 o safleoedd a llwybrau â mynediad rhwydd ar hyd afon Gwy a Thaith Gerdded Dyffryn Gwy. Cewch wybod rhagor wrth lawrlwytho'r Canllaw Hygyrchedd o wefan Taith Gerdded Dyffryn Gwy.
![Llwybr wyneb caled trwy gae gyda choed.](/sites/visit/files/styles/o_articleimagegroup__portrait__3_1x/public/media-library/2022-01/L1400549.jpg?h=1852c018&itok=LoYEZXa8)
![Dyn yn defnyddio cadair olwyn a dynes mewn stryd gul.](/sites/visit/files/styles/o_articleimagegroup__portrait__3__4_3_1x/public/media-library/2022-01/L1400596.jpg?h=a14c9f05&itok=YZTVdm_q)
Tŷ a Gerddi’r Dyffryn
Sain Nicolas, Bro Morgannwg CF5 6SU
- Mae’r rhan fwyaf o’r gerddi’n addas i gadeiriau olwyn
- Toiledau hygyrch
- Cadair olwyn ar gael drwy drefnu ymlaen llaw
Saif Tŷ a Gerddi’r Dyffryn, sy’n eiddo i’r Ymddiriedolaeth Genedlaethol, yng nghanol yr hyn a ystyrir yn erddi Edwardaidd gwychaf Cymru. Ceir dros 55 erw o dir a chyfle i grwydro cyfres o ystafelloedd gardd, gan gynnwys y Cwrt Palmantog, y Pwll Adlewyrchu a Gardd Môr y Canoldir – a’r rhan fwyaf yn addas i ddefnyddwyr cadeiriau olwyn.
Parc Gwledig a Phentref Canoloesol Llynnoedd Cosmeston
Heol Larnog, Penarth, Bro Morgannwg, CF64 5UY
- Maes parcio, caffi a thoiledau hygyrch
- Llwybrau estyllod sy’n addas i ddefnyddwyr cadair olwyn
- Cadair olwyn ar gael ar gais
Crëwyd Llynnoedd a Pharc Gwledig Cosmeston pan foddwyd dwy hen chwarel a heddiw, y bywyd gwyllt sy’n denu pobl i’r ardal. Ceir mynediad rhwydd i'r caffi a llwybrau estyllod o amgylch y llynnoedd sy’n addas i ddefnyddwyr cadair olwyn. Hefyd, mae taith glywedol ar gael sy'n adrodd stori’r llyn a’i fywyd gwyllt. Ceir rhagor o wybodaeth ar wefan Llynnoedd Cosmeston.
![Gwas neidr glas ar goesyn.](/sites/visit/files/styles/o_articleimagegroup__landscape__2_1x/public/media-library/2021-11/Emperor%20Drangonfly.jpg?h=6ddeb263&itok=yW2l9Ukp)
![Y tu allan i adeiladau to gwellt ym Mhentref Cosmeston, gyda phobl yn crwydro.](/sites/visit/files/styles/o_articleimagegroup__landscape__2_1x/public/media-library/2024-07/Med%20Vill%20001.jpg?h=143e9da8&itok=qrJzsDPh)
Canolfan Ymwelwyr Coedwig Garwnant
Cwm-taf, Merthyr Tudful, CF48 2HU
- Toiled ‘Changing Places’
- Dolen glywed yn y caffi, ystafell gyfarfod a chanolfan wybodaeth
- Mynedfa cadair olwyn i’r ganolfan ymwelwyr a’r caffi
- Byrddau picnic addas i gadeiriau olwyn a bygis trydan
- Llwybr hygyrch
Mwynhewch yr awyr agored yng Nghanolfan Ymwelwyr Coedwig Garwnant, ychydig oddi ar yr A470 a lle perffaith i stopio os ydych chi’n teithio ar hyd Ffordd y Cambrian. Mae’n llawn llwybrau drwy’r coed, cyrsiau beicio mynydd a mannau chwarae. Mae gan y caffi seddi awyr agored a golygfeydd hyfryd dros gefn gwlad. Mae Taith y Coed Helyg 1km (1/2 milltir) yn llwybr troed hamddenol, addas i ymwelwyr â chadeiriau olwyn, bygis trydan a choetsys. Darganfyddwch fwy ar wefan Canolfan Ymwelwyr Coedwig Garwnant.
![Dyn yn cerdded ar lwybr coetir.](/sites/visit/files/styles/o_articleimagegroup__landscape__2_1x/public/media-library/2022-01/L1380793.jpeg?h=f77ffb4d&itok=XYL43kf9)
![Gwraig a chi ar lwybr coetir.](/sites/visit/files/styles/o_articleimagegroup__landscape__2_1x/public/media-library/2022-01/L1380371.jpeg?h=06f6671c&itok=I85qF1OI)
Atyniadau hanesyddol hygyrch yn Ne Cymru
Caer a Baddonau Rhufeinig Caerllion
Stryd Fawr, Caerllion, Casnewydd NP18 1AE
- Maes parcio hygyrch a golygfan
- Cyfleusterau i ymwelwyr trwm eu clyw
Mae caer fawr Isca, a adeiladwyd yn AD 75 yng Nghaerllion, yn un o dair caer barhaol y Brydain Rufeinig. Mae Caer a Baddonau Rhufeinig Caerllion yn safle treftadaeth amlsynhwyraidd hygyrch gyda maes parcio tarmac gwastad yn union y tu allan i’r fynedfa, sydd â mynedfa lefel, ac mae rhan o’r olygfan ar lwybr estyllod pren uchel. Gofynnir i ymwelwyr fynd i wefan Caer a Baddonau Rhufeinig Caerllion neu gysylltu â’r ganolfan i drafod unrhyw ofynion penodol. Mae gwaith adnewyddu ar y gweill ar hyn o bryd.
![Gweddillion caer Rufeinig mewn adeilad amddiffynnol.](/sites/visit/files/styles/o_articleimagegroup__portrait__1_1x/public/SVW-C26-1011-0712.jpg?h=0bc8bfcd&itok=bUvNmS_u)
![Pwll dan do gyda goleuadau a waliau cerrig](/sites/visit/files/styles/o_articleimagegroup__landscape__1_1x/public/media-library/2024-06/SVW-C26-1011-0703-small.jpg?h=e5aec6c8&itok=In0eDMh3)
Tref Rufeinig Caer-went
Caer-went, Cil-y-coed NP26 5BA
- Parcio hygyrch a thoiledau i’r anabl
Mae Caer-went, Venta Silurum y Rhufeiniaid, yn baradwys i archaeolegwyr. Cafodd ei sefydlu tua OC 75-80 a bu’n anheddiad i’r Silwriaid, llwyth Brythonaidd brodorol a drodd yn Rhufeinig yn dilyn goresgyn Prydain. Ewch i wefan Caer-went i gael rhagor o wybodaeth.
![Adfeilion anheddiad Rhufeinig.](/sites/visit/files/styles/o_articleimage_medium__16_9_1x/public/media-library/2021-11/SCX-VH07-1718-0271.jpg?h=e5aec6c8&itok=x_SUWRM_)
Traethau hygyrch De Cymru
Traeth Rest Bay, Porthcawl
Porthcawl CF36 3UP
- Cadeiriau olwyn traeth ar gael i’w llogi
Mae Traeth Rest Bay yn boblogaidd gyda syrffwyr, padlfyrddwyr a phobl sy’n mwynhau chwaraeon môr oherwydd y ganolfan chwaraeon dŵr o’r radd flaenaf sydd yno. Mae digon o dywod meddal ar gyfer gweithgareddau traeth mwy hamddenol hefyd, gyda chadeiriau olwyn traeth ar gael i'w llogi. Ewch i wefan Canolfan Chwaraeon Dŵr Rest Bay i gael rhagor o wybodaeth.
Traeth Bae Whitmore, Ynys y Barri
Ynys y Barri, Bro Morgannwg CF62 5TJ
- Cadeiriau olwyn traeth ar gael i'w llogi
Mae ymweld â Thraeth Bae Whitmore Ynys y Barri yn brofiad glan môr clasurol. Ceir cytiau traeth lliwgar, tywod euraidd, caffis a ffair. Mae'n hygyrch i bawb, diolch i’r cadeiriau olwyn traeth ag olwynion mawr y gellir eu llogi.
![Tri pherson yn gwthio cadeiriau olwyn traeth i lawr y llethr tuag at draeth tywodlyd](/sites/visit/files/styles/o_articleimagegroup__landscape__2_1x/public/media-library/2020-09/SVW-C32-1920-0006_small.jpg?h=e5aec6c8&itok=onxOwMfC)
![Tri pherson yn defnyddio cadeiriau olwyn traeth ar y traeth.](/sites/visit/files/styles/o_articleimagegroup__landscape__2_1x/public/media-library/2021-01/SVW-C32-1920-0003-small.jpg?h=e5aec6c8&itok=Ku3vjQYP)
Dolenni Defnyddiol
Open Britain – Cyfeiriadur llety a theithio hygyrch mwyaf y DU
Accessible Countryside For Everyone – Adnodd gwych er mwyn cael mwy o wybodaeth am leoedd hygyrch yn y DU
Information Now – Erthygl gyda dolenni i ddod o hyd i’r toiledau cyhoeddus agosaf, gan gynnwys toiledau i’r anabl a’r rhai sy’n rhan o’r Cynllun Allwedd RADAR/Cenedlaethol
Tourism for All – Gwybodaeth i deithwyr rheilffordd anabl sy’n teithio i Gymru
Gallwch chwilio am lety, gweithgareddau, atyniadau a digwyddiadau hygyrch yng Nghymru ar ein gwefan.