Digwyddiadau

Bydd ras Merched Tour of Britain yn cael ei chynnal rhwng 19 – 23 Awst 2026. Nid yw lleoliad y cam yng Nghymru wedi’i gyhoeddi eto, ond yn aml mae’r llwybr yn cynnwys De, Gogledd ac Ardal Canolbarth Cymru, gyda thir mynyddig heriol. Eleni bydd 5 cam, sef y tro cyntaf i rasys y dynion a’r merched gynnwys yr un nifer o gamau. Bydd Cymru’n cynnal un o Gamau Ras y Merched, gyda Ras y Dynion yn dychwelyd i Gymru ar gyfer cam yn 2027. Am ragor o wybodaeth, ewch i wefan British Cycling.

Bydd Cam 3 o ras y dynion yn dechrau yn y Trallwng ac yn gorffen yng Nghaerdydd ar ddydd Sul 4 Gorffennaf 2027, gan basio drwy rai o’r dringfeydd mwyaf golygfaol a heriol yn y rhanbarth, gan gynnwys Côte de Rhigos a Côte de Caerffili yn y cilometrau olaf. Am ragor o wybodaeth, ewch i wefan Grand Départ Tour de France 2027.

Bydd Pencampwriaethau Cenedlaethol Ffordd Lloyds yn dychwelyd i Gymru unwaith eto yn 2026, rhwng 25 a 28 Mehefin, gan gynnwys cystadlaethau’r Merched a’r Dynion. Bydd yr ŵyl yn cynnwys treialon amser, rasio cylch a rasio ffordd. Am ragor o wybodaeth, ewch i wefan British Cycling.

Digwyddiad blynyddol lle caiff beicwyr seiclo'r 100 milltir o Gaerdydd i Ddinbych-y-pysgod. Yr her yw gwneud y daith mewn diwrnod, hyrwyddo beicio a chodi arian ar gyfer elusennau amrywiol

Yn cael ei chynnal bob blwyddyn yng Nghymoedd y De, dyma un o rasys beics mwyaf eiconig a heriol Prydain. Mae'r digwyddiad yn cynnwys pedwar llwybr, yn amrywio yn eu pellter o 100km i 300km, gan ei wneud yn addas ar gyfer beicwyr amrywiol eu gallu. Bydd beicwyr yn reidio trwy dirweddau hardd Parc Cenedlaethol Bannau Brycheiniog, gan gynnwys dringfeydd caled ar ffyrdd mynyddig y Bwlch a'r Rhigos.

Digwyddiad newydd i Gymru dros dri diwrnod epig. Bydd RideCymru yn teithio 250 o filltiroedd drwy rai o dirweddau mwyaf prydferth a golygfaol Cymru — o mynyddoedd dramatig i ddyffrynnoedd afon gwyrddlas — ar daith o’r Gogledd i’r De. Bydd y daith yn cychwyn yn Llandudno ac yn gorffen yng Nghaerdydd. Cynhelir y digwyddiad 11–13 Medi 2026. Am ragor o wybodaeth, ewch i wefan RideCymru.

Bydd y digwyddiad hwn yn gael ei chynnal ar 26–28 Mehefin: gŵyl chwaraeon-amrywiol enfawr yn Ninbych-y-pysgod sy’n cynnwys taith feicio 112 milltir, 70 milltir neu 40 milltir ym mis Mehefin. Mae’r digwyddiad yn denu dros 11,000 o athletwyr a 35,000 o gefnogwyr o bedwar ban byd. Wedi’i osod yn erbyn cefndir dramatig Sir Benfro, mae’n cynnig cyfle unigryw i gymryd rhan mewn gwahanol heriau dros dridiau.

Gan ddechrau yn ninas dlws Tyddewi, dinas leiaf Prydain, bydd y raswyr yn seiclo trwy rai o dirweddau gorau Sir Benfro, gan gynnwys ar hyd ei harfordir creigiog a thros fryniau mawreddog Preseli.

Taith feicio elusennol dros ddau ddiwrnod (yn aml tuag at Tŷ Hafan), gan gychwyn yn Aberystwyth ac yn gorffen ym Mae Caerdydd.

Mae'r digwyddiad blynyddol poblogaidd ar Ynys Môn wedi'i rannu'n gategorïau yn ôl gallu – o ras y Teulu i'r Ras Fawr, sy'n 106 milltir o hyd. Bydd golygfeydd hyfryd o'r arfordir a chefn gwlad, a'r cyfle unigryw i seiclo ar hyd y 'Flying Mile' ar redfa awyrennau RAF y Fali.

Digwyddiad oddi-ar-ffordd / ar y traeth dros ddau ddiwrnod ym Mharc Gwledig Pen-bre ym mis Mawrth.

Penwythnos rasio graean yng Ngogledd Cymru (Llyn Brenig / Coedwig Clocaenog).

Cyfres pedwar rownd o rasio traws-gwlad (XC) mewn gwahanol leoliadau gan gynnwys Cwm Dâr a Llangollen.

Penwythnos llawn antur beicio graean a gwersylla yng Ngogledd Cymru.