Gŵyl flynyddol i ddathlu’r iaith, celfyddydau a diwylliant Cymraeg yw Tafwyl. Mae’n rhan o waith craidd Menter Caerdydd, elusen sy’n hyrwyddo ac ehangu’r defnydd cymdeithasol o’r Gymraeg yng Nghaerdydd, gyda’r uchelgais fod y Gymraeg yn dod yn rhan ganolog o fywyd yn y brifddinas.
Mae cynulleidfa Tafwyl wedi tyfu’n aruthrol dros y blynyddoedd o’r ychydig dros fil o bobl yn y Mochyn Du yn 2006, i dros 40,000 o ymwelwyr blynyddol erbyn hyn. Mae’n ddigwyddiad rhad ac am ddim, sy’n agored i bawb – yn siaradwr Cymraeg neu beidio, gydag apêl arbennig i deuluoedd.
Eleni bydd prif ddigwyddiad yr ŵyl yn digwydd rhwng 12 - 15 Gorffennaf 2024 ym Mharc Bute.
![Person yn dal peint ym mhob llaw mewn gŵyl.](/sites/visit/files/styles/o_articleimagegroup__portrait__3_1x/public/media-library/2024-07/347_ffn_tafwyl_6903.jpg?h=e5aec6c8&itok=lhBGpoJl)
![girl with umbrella and woman at festival.](/sites/visit/files/styles/o_articleimagegroup__portrait__3_1x/public/media-library/2024-07/347_ffn_tafwyl_123.jpg?h=72e0457b&itok=QPhD82_I)
![Tri person ifanc yn gwenu ar y camera.](/sites/visit/files/styles/o_articleimagegroup__portrait__3__4_3_1x/public/media-library/2024-07/347_ffn_tafwyl_5831.jpg?h=e5aec6c8&itok=BFjy5jlc)
4 llwyfan llawn dop o gerddoriaeth...
Mae cerddoriaeth yn rhan enfawr o Tafwyl gyda’r goreuon o fyd pop, gwerin ac indi yn perfformio ar draws pedair llwyfan.
Ymhlith uchafbwyntiau’r blynyddoedd diwethaf mae perfformiadau gan Gwenno, Adwaith, Band Pres Llareggub, Kizzy Crawford, Lleuwen, Gwilym, Chroma a DJ Huw Stephens.
![Eden yn perfformio ar lwyfan Tafwyl](/sites/visit/files/styles/o_articleimagegroup__portrait__1_1x/public/media-library/2019-06/DSC_7532-small.jpg?h=cbdb138a&itok=7-LnkJkW)
![Llun o'r gantores Eädyth yn perfformio mewn pabell](/sites/visit/files/styles/o_articleimagegroup__landscape__1_1x/public/media-library/2019-06/DSC_8130-small.jpg?h=2bd1bdd8&itok=aX7SFCu8)
Ond mae mwy i Tafwyl na cherddoriaeth yn unig…
Gyda yoga ymlaciol, bwyd stryd, stondinau amrywiol a sesiynau holi ac ateb – mae gan Tafwyl rywbeth at ddant pawb os ydych chi’n chwilio am rywbeth amgenach na cherddoriaeth. Mae Tafwyl yn dod a’r gorau o fyd llenyddiaeth, celf, comedi, chwaraeon… a llawer mwy at ei gilydd bob blwyddyn.
Mae digonedd ar gael i’r rhai bach...
Mae’n ŵyl deuluol iawn, gyda phlant ysgolion y ddinas yn cael llwyfan arbennig yn yr ŵyl i berfformio. Ac ar ôl perfformio… mae angen chwarae, felly mae ardal blant enfawr yn Tafwyl! Dyma’r lle gorau i’r plant greu, chwarae a mwynhau... o sgiliau syrcas i weithgareddau crefft a garddio ecogyfeillgar, mae digon i’w diddanu drwy’r penwythnos.
![Merch fach yn dawnsio yn Tafwyl, gyda Chastell Caerdydd yn y cefndir](/sites/visit/files/styles/o_articleimage_small__16_9_1x/public/media-library/2019-06/Begw%20Tafwyl%202018.jpg?h=937b9e3f&itok=xDUlHZE3)
…ac i bobl ifanc yn eu harddegau
Mae Yurt T yn ardal brydferth i bobl ifanc, sy’n wych ar gyfer ymlacio gyda ffrindiau, gwrando ar fandiau ifanc, ac arbrofi gyda cholur glitter gŵyl neu weithdai hwla-hoop!
![Merch yn perfformio ar blatfform gyda hwla hwps](/sites/visit/files/styles/o_articleimage_small__16_9_1x/public/media-library/2019-06/DSC_6810-small.jpg?h=93768256&itok=20WY3Pyh)
Ond beth am bobl ddi-Gymraeg?
Nod Tafwyl yw dathlu’r celfyddydau, diwylliant a cherddoriaeth a chyflwyno’r Gymraeg i gynulleidfaoedd newydd, felly mae croeso i bawb. Mae nifer o sesiynau sy'n addas i ddysgwyr a siaradwyr newydd o bob lefel.
![Llun o Tara Bethan o'r grŵp Lleden yn perfformio ar lwyfan Tafwyl yn gwisgo trowsus aur](/sites/visit/files/styles/o_articleimagegroup__portrait__1_1x/public/media-library/2019-06/DSC_7245-small.jpg?h=b6cc4217&itok=nu1CpRCg)
![Alys Williams yn canu mewn pabell](/sites/visit/files/styles/o_articleimagegroup__landscape__1_1x/public/media-library/2019-06/DSC_7305-small.jpg?h=2f29b9fd&itok=BOzEzuFL)
Danteithion di-ri
Mae ardal fwyd Tafwyl yn ŵyl yn ei hun gyda nifer o stondinau bwyd stryd a bariau yn rhan o’r ŵyl. Mae gwledd ar gael gydol y penwythnos, gyda rhai o ddarparwyr bwyd gorau'r ardal yn gosod eu stondinau yng ngerddi’r castell. Ymysg ffefrynnau’r gorffennol mae The Bearded Taco, Brother Thai, Meat & Greek, Hard Lines a Ffwrnes.
![Menyw yn gweini bwyd o stondin](/sites/visit/files/styles/o_articleimagegroup__landscape__2_1x/public/media-library/2019-06/DSC_7842-small.jpg?h=2bd1bdd8&itok=1vWPlJNX)
![Llun o bobl yn gwerthu diodydd o garafan lliwgar](/sites/visit/files/styles/o_articleimagegroup__landscape__2_1x/public/media-library/2019-06/DSC_7846-small.jpg?h=8ab0aba2&itok=9C15IKWq)
Mwy o wybodaeth...
Cadwch lygad ar gyfryngau cymdeithasol Tafwyl am y newyddion diweddaraf: