Pa fath o lwybr beicio yw Llwybr Cwm Elan?

Llwybr beicio hamddenol, cwbl ddi-draffig, sy’n addas i bobl o bob gallu.

Ble mae’r llwybr hwn yn dechrau ac yn gorffen?

Mae’r llwybr gan amlaf yn dechrau ac yn gorffen yng Nghanolfan Ymwelwyr Cwm Elan ger Rhaeadr Gwy.

Pa mor hir yw Llwybr Cwm Elan?

Mae’r opsiynau’n amrywio. Mae cylchdeithiau byr tua 10–20 km ar gael, tra bo’r daith o Raeadr Gwy ac yn ôl tua 29km.

Pa ddringfeydd mawr sydd ar Lwybr Cwm Elan?

Mae ychydig o deithio dros fryn a phant, heb unrhyw ddringfeydd mawr, er bod rhai mannau lle mae’r llwybr yn codi’n raddol.

A yw Llwybr Cwm Elan yn addas i ddechreuwyr ar gefn beic?

Ydy. Mae’n ddelfrydol i ddechreuwyr a theuluoedd, gyda phellteroedd hawdd, a wyneb y llwybr ar y cyfan yn llyfn.

Pa olygfeydd all beicwyr eu disgwyl ar Lwybr Cwm Elan?

Mae’r golygfeydd yn cynnwys cronfeydd dŵr, argaeau, bryniau braf, coedwigoedd a chefn gwlad agored Cymru, yn aml gyda chyfleoedd i weld bywyd gwyllt fel barcutiaid coch.

Llwybr beicio cronfeydd dŵr Cwm Elan sy’n addas i deuluoedd

Cwestiynau cyffredin am daith feicio Llwybr Cwm Elan

Pa fath o lwybr beicio yw Llwybr Cwm Elan?

Llwybr beicio hamddenol, cwbl ddi-draffig, sy’n addas i bobl o bob gallu.
Ble mae’r llwybr hwn yn dechrau ac yn gorffen?

Mae’r llwybr gan amlaf yn dechrau ac yn gorffen yng Nghanolfan Ymwelwyr Cwm Elan ger Rhaeadr Gwy.
Pa mor hir yw Llwybr Cwm Elan?

Mae’r opsiynau’n amrywio. Mae cylchdeithiau byr tua 10–20 km ar gael, tra bo’r daith o Raeadr Gwy ac yn ôl tua 29km.
Pa ddringfeydd mawr sydd ar Lwybr Cwm Elan?

Mae ychydig o deithio dros fryn a phant, heb unrhyw ddringfeydd mawr, er bod rhai mannau lle mae’r llwybr yn codi’n raddol.
A yw Llwybr Cwm Elan yn addas i ddechreuwyr ar gefn beic?

Ydy. Mae’n ddelfrydol i ddechreuwyr a theuluoedd, gyda phellteroedd hawdd, a wyneb y llwybr ar y cyfan yn llyfn.
Pa olygfeydd all beicwyr eu disgwyl ar Lwybr Cwm Elan?

Mae’r golygfeydd yn cynnwys cronfeydd dŵr, argaeau, bryniau braf, coedwigoedd a chefn gwlad agored Cymru, yn aml gyda chyfleoedd i weld bywyd gwyllt fel barcutiaid coch.

Family cycling across a stone dam with a domed water tower and wooded hills in the background.

Cwm Elan, Canolbarth Cymru

Llwybr beicio braf drwy gronfeydd dŵr y canolbarth

Gyda chyfuniad o opsiynau byr a hirach, heb ormod o ddringo, mae hon yn daith sydd wedi’i chynllunio ar gyfer teuluoedd a beicwyr hamdden. Mae’n pasio cronfeydd dŵr tawel ac argaeau hanesyddol ar ffyrdd cefn gwlad tawel, gan wneud hwn yn un o lwybrau beicio harddaf a mwyaf hygyrch y canolbarth.

Disgyblaeth: Hamdden / Hybrid
Rhanbarth: Y Canolbarth (Cwm Elan)
Pellter: Opsiynau 10-30km
Faint o ddringo: Cymedrol
Pa mor anodd: Hawdd i gymedrol

I bwy mae’r llwybr hwn? Teuluoedd, dechreuwyr ar gefn beic, ac ymwelwyr sy’n chwilio am daith hamddenol mewn lleoliad ysblennydd.

Two cyclists sat on a bench by a multi-arched bridge over a lake.

Cwm Elan, Canolbarth Cymru

Beicio drwy un o ardaloedd mwyaf eiconig Cymru

Gan ddechrau yng Nghanolfan Ymwelwyr Cwm Elan, mae’r llwybr hwn yn gyflwyniad hygyrch i feicio yn y canolbarth. Mae’r llwybr yn dilyn rhwydwaith o ffyrdd tawel a llwybrau sydd wedi’u cynnal a’u cadw’n dda, a’r rheini’n pasio cronfeydd dŵr ac argaeau hanesyddol. Dyma felly un o’r ardaloedd gorau yn y wlad i feicio’n hamddenol gan fwynhau golygfeydd hynod yr un pryd.

Mae ambell bant a bryn yma, sy’n rhoi cyfle i feicwyr reidio wrth eu pwysau eu hunain, gan fwynhau ehangder y golygfeydd dros y llynnoedd a’r dyffrynnoedd. Mae digonedd o lefydd i stopio am hoe, i gael picnic, ac i grwydro ar hyd y ffordd. Llwybr delfrydol, felly, i deuluoedd neu’r rheini sydd eisiau profiad awyr agored mwy hamddenol ar gefn beic.

Bydd pobl yn galw Cwm Elan yn “Ardal y Llynnoedd Cymru”, ac mae’r llwybr hwn yn gyfle i brofi’r awyrgylch tawel, y dreftadaeth beirianyddol, a’r harddwch naturiol law yn llaw â’i gilydd.

Mae rhagor o wybodaeth fan hyn am argaeau a chronfeydd dŵr Cwm Elan.

Cwm Elan, Canolbarth Cymru

Gwybodaeth ddefnyddiol

Llogi beics:

Mae modd llogi beics yng Nghanolfan Ymwelwyr Cwm Elan, Neil’s Wheels a Clive Powell Bikes yn Rhaeadr Gwy.

Lluniaeth:

Mae digonedd o gaffis a thafarndai a sawl becws yn nhref gyfagos Rhaeadr Gwy .
Yng Nghanolfan Ymwelwyr Cwm Elan mae caffi sy’n gweini bwyd a diod, gyda bwyd poeth ar gael rhwng 12pm a 3pm.

Gwasanaethau:

Mae toiledau, lle parcio, mannau picnic a gwybodaeth i ymwelwyr ar gael yng Nghanolfan Ymwelwyr Cwm Elan.
Mae hefyd doiledau a rhagor o lefydd parcio o amgylch yr argaeau a’r cronfeydd dŵr.