Pethau i'w gwneud dros hanner tymor yr hydref

08 Hydref - 01 Tachwedd 2026. Mae coedwig dywyll yn le digon ofnus fel mai, ond mae'n brofiad go frawychus gyda chriw o glowns yn crwydro’r coetiroedd. Mae'r digwyddiad arswydus hwn wedi ei anelu at blant 9+ ac oedolion. 

10 Hydref - 2 Tachwedd 2026. Dros gyfnod Calan Gaeaf bydd bwystfilod tanddaearol yn dychryn ymwelwyr Zip World Tower - a hynny ar y Terror Coaster, Cursed Climber, Fear Flyer a hyd yn oed yn y maes parcio! Am brofiad ychydig yn llai arswydus mwynhewch goctels Calan Gaeaf a bwydlen hydrefol yn y caffi.

17 Hydref - 1 Tachwedd 2026. Yn ogystal â mwynhau Castell Fonmon yn ystod y dydd, bydd hwyl gyda'r nos, gyda llwybr ofnus Calan Gaeaf. 

31 Hydref 2026. Mae Ras Hwyl 1k Calan Gaeaf Porth Eirias yn ras hwyliog a chyfeillgar ar hyd llwybr arfordir Gogledd Cymru i blant 4-15 oed. Mae'r llwybr 1k wedi'i farcio'n dda ac yn hynod o wastad. Mae rhedwyr yn cael eu hannog i wisgo eu gwisgoedd Calan Gaeaf.

29 - 31 Hydref 2026. Dilynwch eich trwynau o amgylch Sain Ffagan i ganfod gwesteion arallfydol. Mae pob un yn gymeriadau o hanesion llên gwerin rhyfeddaf Cymru – fyddwch chi'n ddigon dewr i roi cnoc ar y drws? Mae tocyn i'r Nosweithiau Calan Gaeaf yn cynnwys creu llusern, cymysgu diod hud, crefftau Calan Gaeaf a creu gŵr gwiail bach. 

29 - 30 Hydref 2026. Ewch ar daith arswydus ar Drên Calan Gaeaf Talyllyn, os ydych chi'n ddigon dewr i deithio gyda'r ysbrydion.

30 + 31 Hydref 2026. Ewch ar daith arswydus ar Reilffordd Llyn Tegid. Bydd dau wasanaeth arbennig yn rhedeg am 5.30pm a 6.30pm o Lanuwchllyn i Glan Llyn. Mae croeso i chi wisgo i fyny!

Mae ffermydd a chlytiau pwmpen ledled Cymru lle gallwch ddewis pwmpen perffaith, yn barod i gerfio Jack-o'-lantern brawychus. Mae sawl lle yn gwneud o'n brofiad hwyliog i bob oedran. Mae digwyddiadau cyfeillgar i'r teulu yn cynnwys gwyliau pwmpen, llwybrau arswydus a drysfeydd i'w harchwilio, a chyfarfyddiadau anifeiliaid. Darllenwch ymlaen am ein rhestr o glytiau pwmpen y gallwch ymweld â nhw ledled Cymru.

Mae gan Cardiff Pumpkin Festival dros 30,000 o bwmpenni o bob siâp a maint. Yn ogystal â digon o adloniant i'r teulu. Mae yna wyliau dydd a chyfnos a gŵyl sgarmes i'r rhai sy'n 14+ oed.

Ewch i bigo pwmpen eich hun efo gwahaniaeth yn Porthcawl - Picking Patch Porthcawl. Dewiswch o dros 20 fathau o bwmpen, datrys y dirgelwch llofruddiaeth yn y Drysfa Calan Gaeaf, Gweithio eich ffordd drwy ystafell ddianc, mwynhau taith trên stêm o amgylch y safle ac archebu ar gyfer sesiynau celf a chrefft.

Mae gan Vale Pick Your Own yn Bonvilston 30 math o bwmpen, llawer o gyfleoedd tynnu lluniau, gyda sesiynau dydd a chyfnos. 

Hefyd lawr yn y de mae PYO Pumpkins At Forage Farm Shop, yn cynnig diwrnod llawn hwyl i bob oedran. Wedi’i leoli ar Stad hardd Penllyn ger y Bont-faen, gall ymwelwyr neidio ar dractor a threlar i’r cae pwmpenni, archwilio drysfa ŷd, cwrdd ag anifeiliaid fferm cyfeillgar a mwynhau bwyd tymhorol, adloniant a chyfleoedd gwych i dynnu lluniau.

Mae gan The Black Cat Pumpkin Patch, Llanelli tric neu drin twnnel , drysfa indrawn , anifeiliaid a stondin fwyd boeth.

Mae gan Fferm Bwmpen Sir Benfro llwybr yn y ddôl flodau wyllt, ac mae plant yn gallu chwarae cuddio ymhlith y bêls gwair ac ymweld â'r ardal goediog am brofiad Calan Gaeaf.

Mae gan Kerry Vale PYO ger y Drenewydd pwmpenni sy'n barod i'w ddewis o fis Hydref.

Ymchwilio i'r ddrysfa indrawn arswydus yn Fferm y Brodyr Bellis ger Wrecsam cyn pigo eich pwmpen eich hun. Dilynwch i fyny gyda diod poeth a byrbryd o'r bwyty ar y safle.

Mae Fferm Manorafon Abergele yn trefnu digwyddiad dychrynllyd i'r teulu oll! Mae pris mynediad yn cynnwys pwmpen am ddim gyda phob tocyn plentyn, mynediad i’r gweithgareddau a pharc y fferm. 

Dewiswch eich pwmpen eich hun yng Hooton's Homegrown yn Ynys Môn. Tra byddwch yno, ewch i siop y fferm i stocio ar gynnyrch lleol tymhorol blasus neu gynhesu yn y caffi.

Carfio pwmpen yng Nghwm Elan a Chanolfan Ymwelwyr. Rhyddhewch eich creadigrwydd a cherfio eich pwmpen eich hun i fynd adref.

Cerfio pwmpen yng Nghronfeydd Dŵr Llys-faen a Llanisien, Caerdydd. Byddwch yn greadigol ac yn cerfio eich pwmpen eich hun.

26 - 30 Hydref 2026. Mae Gŵyl Amgueddfeydd Cymru yn cynnig amrywiaeth o ddigwyddiadau mewn amgueddfeydd ledled Cymru. Mae'r digwyddiadau'n cynnwys gwyddoniaeth, crefftau, darlithoedd a sesiynau cadwraeth.

Mae sawl un o safleoedd Cadw yn cynnig digwyddiadau ar thema Calan Gaeaf. Mae'r manylion i gyd ar wefan Cadw. 

23 - 31 Hydref 2026. Ewch i'r Canolfan Mileniwm Cymru i ymuno a amrywiaeth o ddigwyddiadau thematig Calan Gaeaf dros amwrywiaeth o ddyddiau. 

Mae amryw o weithgareddau ym Mharc Margam, gan gynnwys nosweithiau sinema yn yr awyr agored a gweithgareddau Calan Gaeaf. 

Ewch am dro i un o safleoedd yr Ymddiriedolaeth Genedlaethol, mae llawer o deithiau cerdded yr hydref a diwrnodau allan gwych i'r teulu.

Trwy'r wythnos, ar draws Cymru

Mae technoleg a'r awyr agored wych yn dod ynghyd yn ap Llwybr Arfordir Cymru am ddim ar gyfer Llwybr Arfordir Cymru 870 milltir. Mae'n defnyddio realiti estynedig i ddod â'r arfordir yn fyw. Defnyddiwch hi i ddatgelu chwedlau drwy ddysgu rhyngweithiol, chwarae gemau addas i deuluoedd a chrwydro llwybrau i bwyntiau arbennig o ddiddordeb ar hyd arfordir Cymru. Edrychwch ar wefan Llwybr Arfordir Cymru am deithiau cerdded sydd wedi’u cynllunio i’ch ysbrydoli i fwynhau’r llwybr.