Mae Ffordd yr Arfordir yn teithio ar hyd yr arfordir gorllewinol o gwmpas Bae Ceredigion, taith ffordd o 180 milltir (290km) rhwng y môr a'r mynyddoedd. Mae Ffordd Cambria'n croesi asgwrn cefn ein gwlad am 185 milltir (300km) rhwng Llandudno a Chaerdydd, trwy Barciau Cenedlaethol ac eangderau gwyrdd gwyllt. Mae Ffordd y Gogledd yn arwain 75 milltir (120km) heibio cestyll cedyrn i Ynys Môn.
Rydym ni hefyd wedi argymell dolenni a dargyfeiriadau fel y gallwch fynd igam ogam a chreu eich taith Ffordd Cymru eich hun.
Ffordd y Gogledd
Dilynwch yr hen lwybr masnachu ar hyd yr arfordir gogleddol i Ynys Môn. Archwiliwch Ffordd y Gogledd.
Ffordd Cambria
Siwrne gyfan de i'r gogledd ar hyd calon fynyddig Cymru. Archwiliwch Ffordd Cambria.
Ffordd yr Arfordir
Mae trefi harbwr a gwyliau, pentrefi pysgota a childraethau cyfrinachol ar hyd ein harfordir. Mae yna dywod euraidd, clogwyni aruthrol, a thraethau o bob math. Archwiliwch Ffordd yr Arfordir.
