Gŵyl Gwlad y Gân 2027

Bydd cariad Cymru at gerddoriaeth a chanu yn ganolog i Ŵyl Gwlad y Gân yn Stadiwm Principality rhwng 6 a 9 Mai 2027, wrth i filoedd o leisiau ddod ynghyd ar gyfer dathliad arbennig o gerddoriaeth, diwylliant a chymuned. Bydd yr ŵyl bedwar diwrnod yn cynnwys corau, cantorion ifanc a rhai o dalentau cerddorol mwyaf blaenllaw’r byd.

Un o uchafbwyntiau’r ŵyl fydd perfformiad arbennig gan y tenor byd-enwog Andrea Bocelli ddydd Sadwrn 8 Mai. Bydd y cyngerdd yn dathlu 30 mlynedd ers rhyddhau ei albwm poblogaidd Romanza ac yn rhan o raglen eithriadol yr ŵyl, ochr yn ochr â Lleisiau Ifanc Cymru a Chôr y Byd, gan ddod â miloedd o gantorion at ei gilydd yng nghanol Caerdydd.