Haverfordwest Lantern Parade

Dathliad hudolus o straeon Cymreig a Chymuned.

Ar Hydref 30 bydd Hwlffordd yn dod yn fyw gyda gorymdaith llusernau ysblennydd yn dathlu chwedlau a mytholeg Cymreig a chymuned.

Wedi ei ysbrydoli gan draddodiadau hynafol Noson Galan Gaeaf mae’r parêd eleni yn dod â straeon yn fyw trwy gyfrwng llusernau wedi’u gwneud â llaw, cerddoriaeth, perfformiad a dau byped goleuedig trawiadol tair metr o daldra wedi eu creu gan Sand Palace Arts.

Wedi eu hysbrydoli gan y duwiesau Ceridwen a Rhiannon ochr yn ochr â Hydd Gwyn Annwn , bydd y pypedau enfawr yn ymlwybro’u ffordd drwy’r dref, yn rhyngweithio â’r dorf gan greu enydau hudolus ar hyd y daith.

Wrth galon y parêd mae dathliad o gymunedau Sir Benfro yn dod at ei gilydd. Bydd teuluoedd, artistiaid a grwpiau lleol yn llenwi’r strydoedd gyda’r llusernau maen nhw wedi’u creu eu hunain gan greu gorymdaith lawen sy’n dathlu diwylliant Cymru, creadigrwydd a thro’r tymhorau.

Dewch draw i brofi hud Gorymdaith Llusernau Hwlffordd – noson o straeon o Gymru, cymuned a dychymyg.

Diolch yn fawr!