Stryd Penderyn Lloyd

Mae Penderyn wedi cynhyrchu whisgi, jin a fodca yn eu distyllfa yng ngodre'r Bannau Brycheiniog ers 1999. Ers hynny mae'r ddistyllfa wedi mynd o nerth i nerth gyda nifer o'u cynnyrch yn llwyddo i ennill gwobrau ledled y byd. Safle Penderyn Lloyd Street, a leolir yn hen Ysgol Bwrdd yn Llandudno, yw'r ehangiad diweddaraf. Adeiladwyd yr Hen Ysgol Bwrdd yn Lloyd St ym 1881. Yn fwy diweddar roedd yn gartref i archif Cyngor Conwy. Mae'r adeilad wedi'i adfer yn llawn ac arbedwyd llawer o nodweddion gwreiddiol, gan gynnwys lloriau'r parquet, teils wal, a'r trawstiau to. Dyma’r tro cyntaf yn hanes Penderyn i ni ddefnyddio barlys sydd wedi ei ysmygu gyda mawn ac rydym wedi comisiynu distyllfa Faraday newydd, sef yr hyn sy’n gwneud wisgi Penderyn mor unigryw. Agorodd y siop, y ganolfan ymwelwyr a'r ddistyllfa ym mis Mai 2021 ac mae teithiau ar gael 7 diwrnod yr wythnos y gellir eu harchebu ar-lein, neu yn nerbynfa Penderyn Lloyd Street yn dibynnu ar argaeledd. Mae dosbarthiadau meistr yn cael eu cynnal dros y penwythnosau a gellir eu harchebu ar-lein hefyd. Mae cynnyrch Penderyn ar gael ledled y Brydain mewn archfarchnadoedd, siopau diodydd premiwm, ac ar-lein. Yn ystod y daith awr o hyd byddwch yn dysgu am sefydlu Penderyn, adeilad newydd y ddistyllfa, sut mae ein wisgi gwobredig yn cael ei wneud a beth sy'n ei wneud mor unigryw. Dewch i weld ein melin, ein mash tun a'n pot copr sengl arloesol. Ar ddiwedd eich taith, samplwch rai o'n cynhyrchion yn ein Bar Blasu.