Porthcawl - Traeth Newton

Ar gyrion pentref prydferth Newton, mae traeth tair milltir o hyd, Traeth Newton. Newton yw'r traeth mwyaf dwyreiniol o saith bae Porthcawl ac mae'n boblogaidd iawn gyda phobl sydd am wneud chwaraeon dŵr; gellir gweld bordhwylwyr, jetiau sgïo, a chychod modur ar y dŵr yn aml ac mae llithrfa sy'n cael ei defnyddio gan y clwb cychod lleol.

Os oes yn well gennych gadw'n sych, mae digon o lwybrau cerdded ar gael. Mae Traeth Newton yn ymestyn o geg yr afon Ogwr yn y dwyrain i Newton Point yn y gorllewin, ar draws milltiroedd o dywod (er ei fod yn garegog iawn mewn mannau). Mae taith gerdded hyfryd 9km o Newton i Dregantllo hefyd sy'n cynnig golygfeydd gwych o’r twyni tywod ym Merthyr Mawr.
Mae'r traeth yn wych i blant am fod digon o le agored a phyllau creigiau i’w harchwilio a dyma un o nifer o draethau Porthcawl sy'n caniatáu cŵn drwy gydol y flwyddyn.

Mae maes parcio bach talu ac arddangos yn agos i'r traeth. Gellir dod o hyd i’r cyfleusterau agosaf i'r cyhoedd ym Mharc Gwyliau Bae Trecco, sydd ychydig o funudau i ffwrdd ar droed. Mae mwy o doiledau ar gael yn nhafarndai yr Ancient Briton a'r Jolly Sailor yn Newton.