Yn aelod o’r Grŵp Flatrock , mae’r Harbwrfeistr yn westy, bar a bwyty annibynnol a sefydlwyd yn ei wedd bresennol yn Mai 2002. Mae wedi ennill gwobrau lu am y bwyd, y croeso a’r lletygarwch ac wedi ennill ei blwy ymysg y gymuned leol a’r ymwelwyr am ei naws am le arbennig.
Mae nawr wedi ehangu i dri adeilad hanesyddol ac mae’r adeilad gwreiddiol glas bellach yn eicon pwysig i’r harbwr ac i’r dref.
Ar hyd y daith, ac yn hanfodol i’r llwyddiant, yw’r don o staff talentog ifanc, nifer ohonynt o’r ardal. Rydym yn falch o’u llwyddiannau a’u cyfraniad i wneud y gwesty ac Aberaeron yn enwog fel cyrchfan deniadol sy’n enwog drwy Gymru ac ymhellach.
Mae’r gwesty yn cynnig 11 ystafell unigol, pob un â’i steil ei hun:
• 7 ystafell yng nghartref hynafol yr Harbwrfeistr gwreiddiol, pob un gyda golygfeydd godidog o’r porthladd neu’r môr, gan gynnwys y ‘Madonna Suite’, yr ystafell atig hynod boblogaidd.
• 4 ystafell fawr y warws, gydag ystafelloedd ymolchi braf, soffa a mynediad lift, gan gynnwys ‘Aeron Queen Suite’ gyda golygfeydd panoramig o’r porthladd a balconi Juliette.
Mae ein bwthyn hunan-arlwyo, sydd ond ychydig o fetrau i ffwrdd o’r prif adeilad, yn cynnig:
• Ystafell wely ddwbwl gyda golygfa o’r porthladd a gwely ‘super-king’
• Ystafell wely ddwbwl gyda golygfa o’r porthladd a gwely ‘king’
• Ystafell sengl gysurus
• Cegin llawn offer ag ardal bwyta, gyda golygfeydd o’r porthladd
• Ystafell fyw gyda thân nwy
• Ystafell ymolchi ‘en-suite’ gyda bath a chawod ar wahân
• Ystafell ymolchi ‘en-suite’ gyda chawod dros y bath
Mae ein fflat, Portland Place, sydd wedi’i leoli ar lawr cyntaf y ‘tŷ lilac’ yng nghanol y dref yn le perffaith ar gyfer teulu neu grŵp o ffrindiau i ymlacio, wedi diwrnodau prysur yn crwydro’r dref neu’n mwynhau golygfeydd godidog ar hyd llwybr yr arfordir
Mae’r fflat yn cynnwys:
• Ystafell wely ddwbwl gyda golygfa o’r porthladd a gwely brenin
• Ystafell wely twin yn wynebu’r ardd
• Cegin llawn offer
• Ystafell fyw gysurus gyda golygfa o’r porthladd
• Ystafell gawod fawr
• Parcio preifat tu ôl i’r adeilad a pharcio ar hyd yr heol (yn dibynnu ar argaeledd)
Sylwch: Nid yw’r fflat yn addas ar gyfer gwesteion ag anghenion symudedd.
Yn y brif westy, gellir hefyd fwynhau bwyty ardderchog a bar croesawgar yn y warws, perffaith ar gyfer brecwast, coffi, cinio, te prynhawn, charcuterie neu swper - p’un a ydych yn aros yn y gwesty neu’n ymweld yn unig.
Gyda’r cyfuniad o swyn hanesyddol, cyfleusterau modern cysurus, a’r fantais o fod yn agos at galon y dref ac at lonyddwch y porthladd, mae’r Harbwrfeistr yn cynnig profiad unigryw a chofiadwy i bawb.
