Pentref Oes Haearn Castell Henllys

Dewch i fwynhau diwrnod cynhanesyddol yng Nghastell Henllys ac ymgollwch eich hun yn yr unig bentref Oes Haearn ym Mhrydain, a ailadeiladwyd yn union yr un man lle byddai tai crwn wedi sefyll dros 2000 o flynyddoedd yn ôl.

Yn ein Tai Crwn cewch gwrdd â’n pentrefwyr Oes Haearn cyfeillgar wrth iddynt rannu eu gwybodaeth am fywyd cynhanesyddol a byw mewn harmoni gyda’r tir trwy sgyrsiau ac arddangosiadau o sgiliau hynafol.

Mae ein pentrefwyr yn cynrychioli aelodau o’r llwyth Demetae a oedd yn byw yn ardal yma o Gymru cyn, yn ystod ac wedi'r Goresgyniad Rhufeinig.
Mae Castell Henllys hefyd yn gartref i goetir heddychlon lle medrwch weld amrywiaeth o fywyd gwyllt, ardal chware i blant, llwybr troednoeth, anifeiliaid brid hynafol a chaffi wrth ymyl yr afon lle gallwch ymlacio wedi eich antur cynhanesyddol.

Trwy gydol y flwyddyn rydym yn cynnal nifer o ddigwyddiadau a gweithdai sydd yn addysgu, ysbrydoli a dathlu ffordd hynafol of fyw. Ymwelwch â’n gwefan am fwy o wybodaeth am ein digwyddiadau ac i archebu eich tocynnau.

Roedd pobol Oes Haearn yn mwynhau cwmni eu cŵn. Bydd croeso cynnes i’ch ci rhannu yn eich antur cynhanesyddol ond fydd rhaid iddynt for ar dennyn.

Mae’r safle nodedig yma yn eiddo i ac yn cael ei rhedeg gan Barc Cenedlaethol Arfordir Sir Benfro.