Hanner Marathon Caerdydd

Mae Hanner Marathon Principality Caerdydd wedi tyfu i fod yn un o’r rasys ffordd mwyaf a mwyaf cyffrous yn y Deyrnas Unedig. Mae bellach yn un o hanner marathonau mwyaf Ewrop a dyma ddigwyddiad cyfranogiad torfol a chodi arian aml-elusen mwyaf Cymru.

Mae’r digwyddiad wedi tyfu’n sylweddol ers iddo gael ei sefydlu gan Barnardo’s yn 2003 pan gymerodd 1,500 o redwyr ran. Mae bellach yn denu maes rasio torfol o dros 27,500 o redwyr cofrestredig ochr yn ochr ag athletwyr o safon fyd-eang mewn triawd o rasys elitaidd dynion, merched a chadeiriau olwyn sydd wedi’u hymladd yn ffyrnig.

Mae’r ras yn aelod o’r 'SuperHalfs', sef cyfres fyd-eang o hanner marathonau mwyaf mawreddog y byd gan gynnwys rasys yn Lisbon, Prague, Copenhagen, Caerdydd a Valencia.

Mae wedi derbyn Label Ras Ffordd Elitaidd gan Athletau'r Byd ac mae'n aelod o AIMS (Cymdeithas Marathonau Rhyngwladol a Rasys Pellter).
Mae ei chwrs gwastad, cyflym yn mynd heibio i holl olygfeydd mwyaf syfrdanol y ddinas a thirnodau eiconig gan gynnwys Castell Caerdydd, Stadiwm Principality, y Ganolfan Ddinesig a Bae Caerdydd.

Mae miloedd o wylwyr yn troi allan i godi calon y rhedwyr mewn dinas sy'n enwog am ei hangerdd chwaraeon. Mae Caerdydd yn brifddinas fywiog sy’n cynnig atyniadau unigryw, stadia chwaraeon o safon fyd-eang, adloniant bywiog, bwytai ar lan y dŵr a pharcdir sy’n ymddangos yn ddiddiwedd.

Mae’r digwyddiad bellach yn cynnig penwythnos llawn o weithgareddau, gyda llu o weithgareddau i’r teulu gyfan.

Fe’i trefnir gan 'Run 4 Wales', ymddiriedolaeth elusennol ddi-elw a sefydlwyd i reoli a chyflwyno digwyddiadau chwaraeon mawr yng Nghymru.

4 Hydref 2026