Drysau Agored - Gardd Bodnant Ymddiriedolaeth Genedlaethol

Mae'r cyfan yn rhan o Drysau Agored - cyfraniad blynyddol Cymru i fenter Dyddiau Treftadaeth Ewrop, sy'n gwahodd sefydliadau treftadaeth, perchnogion preifat, awdurdodau lleol ac eraill i agor eu drysau neu gynnig gweithgareddau i'r cyhoedd yn rhad ac am ddim yn ystod mis Medi.

Gardd sy'n enwog ledled y byd ac yn gartref i Gasgliadau Cenedlaethol a Choed Pencampwr. Gyda chorneli diarffordd, lawntiau eang, terasau mawreddog a choetir gwyrddlas, mae llawer o erddi i'w cael o fewn un yn Bodnant.

Wedi'i chreu dros gyfnod o 150 mlynedd, gyda phlanhigion wedi'u casglu a'u cludo i Brydain o bellteroedd mawr, a gweledigaeth anhygoel cenedlaethau o deulu McLaren a'r prif arddwyr o deulu Puddle, mae'r hafan hon o brinrwydd a harddwch – gyda chefndir syfrdanol o fynyddoedd y Carneddau yn Eryri - yn wledd i'r synhwyrau.

Gyda lliwiau trwy gydol y flwyddyn, gall yr ardd fod yn unrhyw beth rydych chi ei eisiau; boed yn lle prysur a llawn gweithgaredd neu'n hafan o dawelwch ac ymlacio, mae hwn yn wirioneddol le arbennig i bob oedran.

Parcio ar gyfer deiliaid Bathodyn Glas. Toiledau hygyrch. Llethrau serth, grisiau anwastad a dŵr dwfn sy'n llifo'n gyflym. Signal ffôn anghyson. Cadeiriau olwyn ar gael.

Caniateir cŵn ar dennyn byr yn yr ardd.

Yr amser olaf i fynd i mewn i'r safle yw 16:30 - hanner awr cyn i'r safle gau.

12 - 13 September 2026