Gŵyl Siocled Cymru

Bydd Llanidloes yn troi’n baradwys i bawb sy’n dwlu ar siocled wrth i Ŵyl Siocled Cymru ddychwelyd i’r dref. Bydd y digwyddiad yn dod â chynhyrchwyr annibynnol, crefftwyr a busnesau ynghyd i ddathlu pob math o ddanteithion siocled.

Bydd Marchnad Siocled yng Nghanolfan Gelf Minerva rhwng 10:00 a 16:00 gyda chyfle i grwydro’r stondinau a darganfod amrywiaeth o siocledi a chynnyrch blasus. Bydd gweithgareddau eraill yn cael eu cynnal mewn lleoliadau ledled Llanidloes, gan greu awyrgylch gŵyl drwy’r dref.

Gall ymwelwyr ddisgwyl cymysgedd o flasu a gwneud siocled, siocled poeth, sgyrsiau, gweithdai a gweithgareddau i’r teulu. Bydd adloniant a gweithgareddau ychwanegol hefyd, ynghyd â bwyd a diodydd arbennig wedi’u hysbrydoli gan siocled mewn rhai o fusnesau’r dref.

Gyda rhywbeth at ddant oedolion a phlant fel ei gilydd, mae’n gyfle gwych i dreulio diwrnod hydrefol yn Llanidloes – a mwynhau digonedd o siocled ar hyd y ffordd!

24 Hydref 2026