Gŵyl Fwyd Casnewydd 2026

Bydd Gŵyl Fwyd Casnewydd Cymru 2026 yn dychwelyd i ganol dinas Casnewydd, gan ddod â detholiad cyffrous o fwyd, diod a thalent goginio Cymreig ynghyd. Fel un o brif wyliau bwyd Cymru, mae’r digwyddiad yn denu miloedd o ymwelwyr bob blwyddyn sy’n dod i ddarganfod cynhyrchwyr lleol, gwneuthurwyr bwyd crefftus, masnachwyr bwyd stryd a chogyddion sydd wedi ennill gwobrau. Mae’r ŵyl yn cynnig cyfle unigryw i ddathlu diwylliant bwyd cyfoethog Cymru wrth gefnogi busnesau annibynnol o bob cwr o’r wlad.

Drwy gydol yr ŵyl, bydd ymwelwyr yn gallu blasu amrywiaeth eang o flasau lleol a rhyngwladol, gwylio arddangosiadau coginio byw, cwrdd â chynhyrchwyr bwyd a diod, a mwynhau rhaglen fywiog o adloniant. Gyda stondinau marchnad prysur, gweithgareddau i’r teulu, profiadau blasu a digwyddiadau arbennig yn cael eu cynnal ledled y ddinas, mae Gŵyl Fwyd Casnewydd yn cynnig penwythnos cofiadwy i gariadon bwyd o bob oed.

03 Hydref 2026