Pontio

Wedi ei rannu dros chwe llawr, Pontio yw canolfan celfyddydau ac arloesi newydd Prifysgol Bangor, agorwyd yn Rhagfyr 2015. Mae’r adeilad, wedi ei gynllunio gan y penseiri Grimshaw, yn gartref i theatr hyblyg maint canolig wedi ei enwi ar ôl Bryn Terfel, Stiwdio sy’n dal hyd at 120 o bobl a sinema ddigidol sy’n dal 200. Rydym yn cynnig bwyd a diod ym Mar Ffynnon, ciosg bwyd Copa a’r caffi Cegin.
Hefyd yn rhan o’r adeilad mae canolfan arloesi o’r radd flaenaf ac ystod eang o gyfleusterau ar gyfer myfyrwyr, gan gynnwys cartref newydd i Undeb y Myfyrwyr a nifer o ofodau dysgu ac addysgu.

Mae Pontio yn cynnig pob math o adloniant saith diwrnod yr wythnos, o’r ffilmiau diweddaraf i gerddoriaeth a drama, gigs, syrcas gyfoes a theatre awyrol, sioeau cabaret a llawer mwy.

I ddarganfod yr arlwy diweddaraf, ewch i www.pontio.co.uk, dilynwch ni @TrydarPontio, facebook PontioBangor neu Instagram Pontio_Bangor