Amgueddfa wehyddu'r Drenewydd

Mae Amgueddfa Wehyddu wedi’i lleoli yn 5-7 Commercial Street, Y Drenewydd. Mae'r adeilad yn enghraifft wych o siop wehyddu nodweddiadol o ddechrau'r 19fed ganrif. Yn wreiddiol roedd chwe bwthyn cefn wrth gefn ar y ddau lawr isaf, gyda dau lawr gwehyddu yn rhedeg hyd yr adeilad uwchben. Byddai'r chwe bwthyn wedi cartrefu teulu yr un. Dros y blynyddoedd byddai llawer o'r teuluoedd hyn wedi gweithio yn y siop wehyddu ar y ddau lawr uwchben, naill ai fel gwehyddwyr llaw neu gyda gwaith cysylltiedig.Mae gan yr Amgueddfa bellach un llawr sydd wedi'i neilltuo i ddangos gwyddion llaw, troellau nyddu, a hefyd y gprosesau sy'n rhan o droi cnu'n wlanen. Mae gan y llawr uchaf arddangosion o fusnesau lleol gan gynnwys Pryce Jones, un o'r arloeswyr cynnar mewn archebu drwy'r post. Ceir arddangosfeydd o fusnesau'r dref dros y canrifoedd hefyd. Mae'r lloriau isaf yn dangos ystafelloedd wedi'u hail-greu, a gwybodaeth bellach am hanes y dref a'i phobl.