Amgueddfa Cyflymder

Mae gan y traeth bron i 100 mlynedd o hanes o ran gosod recordiau am gyflymder tir; gan ddechrau yn y 1920au gyda Syr Malcom Campbell a’i gar ‘Blue Bird’ ac, yn fwy diweddar, yr actor Idris Elba yn torri record ‘Flying Mile’ Campbell mewn Bentley Continental GT Speed yn 2015.
O arddangosfeydd sy’n teithio o gwmpas y wlad ac yn cynnwys gwrthrychau mawr fel y car rasio byd-enwog ‘Babs’ i’r arddangosfeydd rhyngweithiol sydd i’w gweld drwy'r Amgueddfa gyfan, cewch eich tywys ar daith lle byddwch chi’n gallu profi’r cyffro o rasio ar hyd Traeth Pentywyn. Caewch eich llygaid a byddwch yn gallu teimlo’r gwynt ar eich wyneb, clywed sŵn yr injan a theimlo’r car wrth iddo symud dros byllau cudd yn y tywod.