Mae Parc Yr Esgob a’r Gerddi yn goferu a hanes. O’r coed hynafol, sydd wedi sefyll yma am ganrifoedd, i’r ardd furiog a fu’n darparu bwydydd egsotig a blodau ar gyfer bwrdd yr esgob, i’r ystumllyn a thirwedd symudol gorlifdir Dyffryn Tywi, i hen balas yr esgobion a chafodd ei hadeiladu ar safle yn dyddio nôl i’r canol oesoedd a’r bobl a fu’n byw a’n gweithio yma.
Mae Parc Yr Esgob yn le arbennig i fynd am dro, i gwrdd a ffrindiau neu i ymlacio ar y borfa neu ar ein meinciau. Gall ymwelwyr o bell ac agos dreulio hanner diwrnod yma yn rhwydd – gyda chinio neu de prynhawn yn y caffi. Yng nghyd a dilyn y byrddai deholngli o gwmpas y parc, gallwch ddarganfod mwy am hanes, garddwriaeth a bywyd gwyllt y parc yn ein canolfan ymwelwyr. Neu archebwch le ar daith tywys.
Os oes gennych ddiwrnod cyfan, cyfunwch eich ymweliad gyda chip o amgylch Amgueddfa Sir Gaerfyrddin, sydd wedi ei leoli tu fewn i Hen Balas Yr Esgobion ar ein safle.
Beth sydd yma i deuluoedd?
Rydym yn croesawu teuluoedd. Galwch heibio i’r caffi (ar agor o 9 tan 5 yn ddyddiol), neu dewch a phicnic. Darganfyddwch wahanol ardaloedd y parc, yn yr Ardd Coedir, mae gennym foncyff ffawydden enfawr i chi chwarae arno a phrofwch eich sgiliau dringo ar ein rhaffau. Edrychwch allan am y bywyd gwyllt, gan gynnwys elyrch, cwtieir, hwyaid a chrëyr. Os ydych yn lwcus, efallai y gwnewch chi weld glas y dorlan neu ddwrgi!
Toiledau hygyrch ar gael yn y ganolfan ymwelwyr yn ystod oriau agor y caffi.
Ystafell cyfarfod ar gael i’w logi.