Meadow Springs Country & Leisure Park

Wrth gynllunio eich gwyliau perffaith, bydd ein cyfleusterau pum seren moethus yn golygu y byddwch chi a'ch teulu’n gysurus. O Gabanau Gwyliau moethus ar Lan y Dŵr a Charafanau Statig i Leiniau ar gyfer Carafanau Teithio pob tywydd gyda gwasanaethau cysylltiedig, mae'r tri datblygiad arbennig wedi'u cynllunio i greu gwyliau cofiadwy, pleserus ac ymlaciol ym Mharc Gwledig a Hamdden Meadow Springs
Mae Parc Gwledig a Hamdden 40-erw Meadow Springs, sydd wedi'i leoli o fewn ardal 300 erw, yn edrych draw ar dirwedd a golygfeydd godidog Canolbarth Cymru. Ar ôl noson braf o gwsg, cewch edrych ymlaen at gamu y tu allan i'ch llety a mwynhau golygfeydd hyfryd o gefn gwlad ar stepen eich drws. Mae Parc Gwledig a Hamdden Meadow Springs yn ddelfrydol i bobl sy'n hoff o fyd natur a gweithgareddau awyr agored, ac oddi yma gallwch weld yn bell dros fryniau gwyrdd a dyffrynnoedd ysblennydd Cymru. Efallai bod gwyliau hefyd yn cynnig seibiant haeddiannol rhag coginio. Os felly, mae ein bar a'n bwyty dafliad carreg i ffwrdd ar y safle, gan weini bwyd lleol wedi'i goginio gartref bob dydd i ddiwallu'ch holl anghenion bwyta. P'un a ydych chi'n dod draw i gael cinio ysgafn, pryd o fwyd arbennig gyda'r teulu i gyd, neu i fwynhau aperitif gyda'r nos, mae dewis i chi.
Ym Mharc Gwledig a Hamdden Meadow Springs, rydym yn croesawu'r teulu cyfan. Gydag ardal chwarae awyr agored fawr a dewis eang o weithgareddau ar gael, gallwch eistedd yn braf ac ymlacio gyda choffi wrth i'r plant chwarae. Nid oes rhaid i unrhyw un golli allan ar yr hwyl yn ystod eu gwyliau ym Mharc Gwledig a Hamdden Meadow Springs; bydd hyd yn oed eich ci’n cael amser anhygoel gan fod lle penodol i fynd â chŵn am dro a chawod arbennig i gŵn ar y safle! Mae gan ein parc gyfleusterau hygyrch i ddarparu ar gyfer anghenion ein holl westeion ac mae staff cyfeillgar wrth law bob amser i sicrhau eich bod yn cael y gwyliau gorau posibl.
Gyda phob math o weithgareddau i roi cynnig arnyn nhw a lleoedd i grwydro, mae’r dewis yn ddiddiwedd: un diwrnod efallai y byddwch chi’n pysgota yn yr ½ milltir o lynnoedd preifat sydd ar y safle, a drannoeth, byddwch yn mynd ar un o’r llwybrau cerdded sy’n dechrau o’r safle ac yn mynd drwy ardaloedd gwledig hardd. Mae digonedd o lwybrau beicio a llwybrau natur sy’n gallu eich arwain i berfedd cefn gwlad Cymru. Ar ôl i chi orffen crwydro am y dydd, bydd Parc Gwledig a Hamdden Meadow Springs yn barod i’ch croesawu’n ôl i dreulio noson gyffyrddus yn eich llety gwyliau.