Croeso
I Hendre Rhys Gethin, hafan dawel ar gyrion Betws-y-coed, porth yr Eryri. Mae anturwyr ac arlunwyr wedi cael eu denu i fynyddoedd golygfaol, coetiroedd ac afonydd deniadol
Gogledd Cymru ers canrifoedd, ac mae ein datblygiad unigryw o gabanau preifat a llety gwyliau moethus wedi ei lleoli mewn lleoliad delfrydol i ddarganfod y gorau sydd gan y Parc Cenedlaethol i’w gynnig. Dyma'r encil eithaf i fwynhau cefn gwlad odidog Cymru.
Perchnogaeth
Drwy berchen caban moethus yn Hendre Rhys Gethin, gallwch ddianc i'ch encil personol dro ar ôl tro. Gyda golygfeydd godidog, dyluniad mewnol chwaethus a thybiau poeth byrlymus ar ferandâu preifat, mae ein llety wedi'u dylunio'n fanwl i hyrwyddo gorffwys a hamdden. Mae'r cynllun agored a'r dodrefn chwaethus yn caniatáu bywoliaeth gyffyrddus. Mae gan bob caban wres canolog, gwydr dwbl ac offer cyfoes. Yn allanol, mae'r lleiniau mawr yn gwneud y mwyaf o’r awyr agored drwy gydol y flwyddyn.
Gwyliau
Mae steil a chysur yn cyfuno’n ddiymdrech yn ein cabanau gwyliau cyfoes a bythynnod glowyr Cymreig sydd wedi’u hadnewyddu’n gelfydd, oll yn cynnig golygfeydd godidog o’r wlad o’n cwmpas. Fe welwch ddodrefn hardd, cegin fodern ac ystafelloedd ymolchi cyfoes y tu mewn i bob eiddo. Mae Hendre Rhys Gethin yn cynnig delfryd lle gallwch ymlacio mewn lleoliad heddychlon a mwynhau popeth sydd gan Barc Cenedlaethol Eryri i’w gynnig. Mae ein llety gwyliau ar gael i’w llogi o fis Ebrill i fis Ionawr gan gynnwys y Nadolig a’r Flwyddyn Newydd, yn amodol ar argaeledd.
Lleoliad gwych
Ar droed dyw canol pentref Betws-y-coed gwta 10 munud i ffwrdd. Gyda dirgelwch y llynnoedd a chopâu brig mynyddoedd godidog y parc cenedlaethol ond taith fer i ffwrdd. Llai na hanner awr o draffordd yr A55 tydi Hendre Rhys Gethin ddim ond yn odidog ond cyfleus am eich anturiaethau nesaf.
Mae wal gerrig, sy'n gyffredin â'r ardal leol, yn llinellu'r gyriant fynediad, ac mae cabanau gwyliau wedi'i guddio y tu ôl i fynedfa ar gatiau trydanol.
Yn Hendre Rhys Gethin, gallwch chi fod mor anturus neu hamddenol ag y dymunwch. Ewch am dro i ganol Betws-y-coed i ddarganfod dewis gwych o dafarndai a bwytai yn gweini bwyd a diod leol. Mae digonedd o siopau awyr agored, siopau bwtîc annibynnol, orielau a pharlyrau hufen iâ. Gellir cyrchu amrywiaeth enfawr o lwybrau cerdded ar lan yr afon a llwybrau coetir o'r parc. Mae ymweliad â’r Rhaeadr Ewynnol eiconig, system raeadrau lluosog wedi’i lleoli ar Afon Llugwy mewn ardal o harddwch naturiol eithriadol, yn hanfodol. Y tu hwnt i’r ardal leol, mae ein lleoliad ar gyrion Parc Cenedlaethol Eryri yn cynnig y ganolfan ddelfrydol i fynd allan a darganfod yr atyniadau unigryw niferus a rhyfeddodau naturiol Gogledd Cymru.
